我愛你
Horny Snowman 挽歌之聲
好耐無見。
如果你仲係一個有血有肉嘅人類，呢一個月嚟，你大概會瞓得有啲差，體力有啲下降，情緒有啲波動，怒氣有啲難消。要打一場睇唔到賽果、好難捱到完場嘅仗，的確係比我哋想像中困難得多。
五年前我哋黯然退場，換嚟嘅只係更黑暗、更不知所謂嘅社會，但呢一個月以嚟仲有好多香港人企出嚟，同大家並肩抵抗，我哋睇到嘅即使唔係希望，至少都係漫長黑夜中嘅丁點曙光。當我哋嘅政權更加徹底地打壓人民嘅聲音，我睇到香港人嘅團結、毅力、薪火相傳，如果呢啲美麗嘅夢境唔係我哋嘅未來，我都會感激佢哋潤飾過當下。就當夢醒有時，但願同夢有愛。
多謝挽歌之聲嘅參與，五年前同高登巴打一齊創作嘅《雨傘革命》令到小弟認識到你，五年後再續前緣，恐怕唔係一件值得慶祝嘅事。就怪亂世當前，慶祝言之尚早，頑抗才是道理。
香港人，加油。
Search